في فتافيت سكر في حياتنا ..
رغم ان الفتفوته دي حاجه صغنتوته .. الا انها بتخلي الحياة مسكره
زي قهوة الصبح مع كلمتين من عمك سيد درويش و لا الشيخ امام
بس ساعات الفتافيت بتدوب في الزحمه .. و نسال نفسنا !!!
يا ترى ليه مبقيتش اقرا ميكي :) .. و كمان بنسى احط رز للعصافير
مبقتش اعرف اعيط لما هنادي بتموت ... و كانها .. عادي ..
ما حاجات كتير بتموت !!
مبقتش اكلم نفسي قبل ما انام ... و كاني خايفه منها
و بتجنبها !!
و تفضل الفتافيت تتسرسب ورا بعضيها ... لحد ما سالت نفسي ؟؟!
هو انا ازاي كنت بضحك ؟؟!
نسيت الضحكه ازاي كانت بتطلع
اوعوا تسيبوا فتفوته تضيع منكم ...
احسن حياتكم تتبعتر و ميبقاش فاضل منها غير فتفوته ...
و حتى دي مش بعيد تنساها
koka
ليست هناك تعليقات:
إرسال تعليق
ها ايه رايك ؟؟؟ :)