هي #4

ليست بطله او مغواره ..ولكنها غير مثيلاتها .. ترى التفاصيل 
دائما ترى ما لا يراه الاخرون .. تحتاج دائما الى ان تشعر بالانتماء .. 
وكانها بحر يفيض بكل شئ صاخب بالتفاصيل .. ساكن معظم الوقت خيفه من اغراق احبته 

تقسم كل ما يقع تحت ناظريها .. حتى قسمت نفسها الى 
جزء يحلو النظر اليه في الاعياد ..
جزء الام الحنون .. جزء الزوجه المطيعه .. جزء الصديقه .. المستمعه الجيده .. و جزء الابنه الباره 

حتى اسمها لم يسلم من لعنتها .. حتى اصبحت جزء منه
هي "م ي " .. و هو "ح م ي د"
ربما تظن الان انه يحتويها .. يحتضنها -حرفيا- .. ربما هنا ما في هذه الجمله شيئا من الصحه
ربما يحتويها او يبتلعها .. او انها لعبه الاقدار و الاحبار .. و الحروف
تلعب دورها و تلعب الكلمات المتقاطعه .. المتقطعه

اصبحت لا شئ / هندام / ضمير
ت ل ا ش ت / ز ي / ه و

تجلس في كرسيها المجاور لتابلوه زواجها .. يجلس هو في بدلته السوداء .. و هي تقف خلفه مستنده علي كتفه لا يظهرمنها سوى جونيله تاخذ من الصوره اكثر من وجودها شخصيا .. اماهي .. فلا شئ سوى احمر شفاه و وجه شاحب ..ابيض مثل فستانها .. و كان حمرتها بدأت تخبو و تخفت و تتلاشى بهدوء في خلفيه غبيه من اختيار استوديو السعاده .. خلفيه بيضاء .. هناك ما يظل مسيطرا في هذه الصوره .. شارب .. اسود ..

قابعه / ضعف عقلها / حرف موسيقي
ك ا م ن ه / ب ل ه ت / م ي

مرت السنه الاولى من زواجها ال .. المعتاد .. كما هي في صورتها تتلاشى في الخلفيه .. لم يتبق منها الا صوتها .. و هي تدندن بصوت انثوى
"اللي شاف حمص و لا كلشي حب و اتلوع و لا طالشي"
و هنا يظهر صوت شجيع السما او ابو شنب بريمه لا ليشاركها الموسيقى و لكن ليحرم عليها الدندنه
و يتهمها بالجنون ..

نصف عهود / سئم / هشمه / حب
و د / م ل / ح ط م ه / و د

تشكو لامها الحال و ان ليس هناك ما تريده من الحياه سوى طبطبه و (ملاغيه) .. و انها ملت الحياه معه
و تاتي دوما الاجابه .. ان لا حياه بدونه .. و ان كُتب عليها الزواج كما كتب على كل النساء من قبلها .. لا لتحب .. و لا لتسعد .. و لكن .. كتب عليها ما لم تنجح فيه حتى الان .. كتب عليها ان تكون .. ارنبه
تتحطم و تتكسر على شواطئها اي امال .. تتفتت الى اجزاء و شظايا زجاج .. تعبث به الامواج
و لكن هناك طوق نجاه وحيد .. ان تنجح في ان تلعب دور الارنب ..

حراره الشوق / وهم مبعثره / للتوجع
ص ب ا ب ه / ه م / آه

تربطه بالاطفال .. ها هي الخطه .. ربما يلين قلبه .. ربما يرق صوته .. و ربما تفرغ صبابتها في كائن قابل للحنان .. لكائن ما يحتاجها .. ربما تنجح الخطه.. حركه سريه ... الالام متتابعه .. طعنات خنجر بعد بضع دقائق حتما ستكون منسيه. حسنا .. ان الاوان لحياه تولد .. لتغيير .. حتميات .. حتما ستسعد .. حتما ستنشغل .. حتما سيتغير
فرد جديد .. فتاه .. حزن يخيم على الحدث .. تنتقل الطعنات الى الفؤاد .. الم الولاده .. يتحول الى دندنه خافته .. اهات مشتاقه للراحه

مي معكوسه ... ي م / بحر ... ي م

و جزء منها كانت تخشاه .. جزء يتوق الى السكوت و المسافات
جزء ود كثيرا لو تنتهي المعاناه عندما تلد ... مريم .. لم يكن بخاطرها ابدا ان تكون ..
مر اليم .. مر علقم .. عار على الزوجات ..
كل ما كان يؤلمها ان الخناجر لم تتوقف .. و ان القصه ستتكرر حتما
مريم ستكون مي ... ستختفي و تتلاشى في الخلفيه بعد ميلاد شقيقها .. مريد
ككل المريدين و تابعين الشيوخ .. سيرى في ابيه طل و من امه مريده
مريد حميد .. و مريم بنت مي ..

نصف ثارت / حب معكوسه
ث ا / ب ح

لم تنطفأ صبابه مي .. مريم على ذمه عنتر صاحب اكبر شارب في حارتهم ..
مريد .. انه حتما شبل من ذاك الغضنفر ..
و هي .. جوار تابلوه زواجها .. تلعب لعبه الحروف .. و الكلمات المتقطعه

تظل يم .. لم يقوى ابدا على ضرب الامواج .. يم مالح .. لا يشرب منه احد ..
تظل حرف موسيقي قد بح صوته ...
هناك حب و اصبح ... بح !!
هناك مي .. غرقت في يم .. او في وسط ... حميد !

philomena

It is a movie that can put a smile on your lips with that salty flavor of your tears. i ensure you that you will have this mix of feelings once you know that it is based on a true story. this movie is a biography. i am not going to narrate the plot to you because that would ruin the movie and the pleasure of living it moment by moment.

Have you ever felt that you should find what you have lost? have you ever felt that it is not fair to lose? this movie would give you a different dimension of loss anyways
What makes this movie really special are the motifs of  "eyes" and "hands" .. the movie keeps you watching and waiting for more as if you are hungry for more .. more information or more emotions. You will meet that old Irish mother who is innocent as a child. I do not know why she is like that .. maybe because the circle of life gets you there after all. the more you get old .. the more you go back in time. on the other hand, maybe it was just me who felt it like that but they deprived her from being a mother .. from growing up .. from getting her maturity normally. this is so confusing that i do not really understand. Although that would confuse you as well but it will leave you with a sympathy for that unique story.

The uniqueness of the movie raises a question , are we really able to forgive? With an eye full of sadness mixed with victory Judi Dench declares that she forgives. As an audience that would shock you. this also would make you rethink of many situations in your life. She forgives and this is hard but she believes that being angry is exhausting. Here, you choose what you want to be Judi Dench "Philomena" or Steve Coogan "Martin Sixsmith".

Personally, I believe that hating is not helping, it disturbs your concentration on the love you can give to people and things that really deserve your attention. Although i wished if i can hate, deep deep in my heart i thanked God for taking that away from me. I am not an angel or a saint .. i only have been taught that it is exhausting to hate .. Hating is loving people negatively without getting any good of it.

Philomena taught me a lesson today, forgiving is not easy and does not mean you are weak. It means that you are so strong that you beat your anger.

Take 98 minute of your life and watch this movie .. with someone that you would like to look in his/her eyes after the end of the movie .. and thank God for not being lost. This movie will you give you the joy of finding what you may lose but it takes this joy immediately and gives you a lesson instead of it .. a lesson of  not taking things for guarantee. Having your family around, you may feel that it is normal . However the normal in Ireland for many women to see their babies taken away. I can not promise you to enjoy the movie, it is a small sample of life .. life that may would be yours .. or life that is just a movie. the question is .. Do you enjoy life? .. would you forgive ? .. Are you angry? .. and after watching .. are you still angry .. ?
This movie is capable of giving you smiles when you  are not expecting .. tears when you are not ready and a lesson when you are welling to learn a life lesson

Philomena would be me 40 years later ..

"I forgive you because I don't want to remain angry."

 Last note ... there is a gay character in the movie .. if you can not stand that .. do not watch. Do not get yourself angry. After all it is a true story; a true story that you can not change with your judgment. who are we to judge?

*************
Philomena: But I don't wanna hate people. I don't wanna be like you. Look at you.
Martin Sixsmith: I'm angry.
Philomena: Must be exhausting.

هي #3

لم تكن وحدها .. حولها الكثير .. كانت شمسا دافئه تنير الطريق لمريديها !

تقف شامخه في مركز كل شئ و للجميع .. يدورون حولها في مدارات .. و لكن المدارات دوما حدود .. مسافات .. لا يخرج كوكب للقاء شمس .. لكن لا يفارقها .. سخريه الاقدار

و لكن لم تفهم ابدا و لم تجرؤ على السؤال .. هل هي وحيده , لم تكن اماً اختاً او ابنه ..
كانت مختلفه .. مبتسمه .. متفهمه .. كانت صديقه متعدده الادوار .. تصلح دائما لذلك الدور .. مثل عبدالسلام النابلسي .. يعرفها الكثير .. يحتاجها الابطال لاتمام القصه و انقاذ الموقف ..
او اسوء كانت تدور احداث حياتها .. وراء الكاميرا .. او اسوء و اسوء .. كان دورها ان تصفق و تهلل كالمشاهديين
و تعود الي موقعها .. حدودها .. موطنها !

لناخذ جوله في موطنها .. لسعه برد .. نسيم ذو رائحه نيليه .. و اخيرا براح
هنا كانت اخر مره خرج كوكب ما عن مداره و جاء الي جوارها .. فاحترق .. تذكره .. يقف جانبها على ضفه النيل في اسوان .. يعدها انه لن يتركها .. لن ييأس .. و لكنه حلّق بعيدا .. دون وداع .. فلطالما حلقت الطيور المتشابهه .. سويا !

لطالما كانت فريده .. لا تشبه احد .. ربما تعتقد ان ذلك هبه من الخالق .. لكنه .. ابتلاء
كن فريد .. مختلف .. وحدك .. و اسعد .. !!!

يعتقد البعض انها استسلمت و انها مخطئه .. لكنها مشتاقه لذلك الدفئ الآمن .. لا يحرق .. حضن أم قد يحل هذه المأساه .. من يتفلسف بان لم يكن لديها اختيار .. فهو احمق
لقد اختارت ان تتجه الى اعلى .. لقد اختارت ان تحلق .. لقد اختارت ان تعود الى رحم امها .. بذره تنمو مجددا .. و فرصه جديده

حلّقت نحو كيان احن .. حلقت لتكسر مدارات لطالما حاوطتها ..
لم تكن تعلم ان تحليقها نحو السماوات .. سيصنع مدارات حولها في قاع النيل ..
و لاخر مره تترك اثر .. لن يشعر به غير .. "حابي" .. توأمها .. جالب السعاده ..

قررت ان تنطفأ ... حتى يتوقف ذلك الألم .. قد تبدو لك الشمس دافئه .. لكنها تحترق !

هي #2

تعرفه عندما يفشل في اقناعها .. عندما يكذب .. 
عندما يلعب اخر اوراقه يتحدث بالانجليزيه ..

"أنتي عارفه انك لازم تتكلمي مش كده .. sharing is caring .. 
this is not fair at all .."

تمسك بيديه .. ترتبت عليهما و تنظر ليد قاتلها جيدا .. تحفظ تلك الطرق النافره في يديه .. تعبرها بعينيها .. فتذكرها بكل ما نفرها منه .. ثم تحتضن وجهه بكفيها و تنظر جيدا لعينيه . 

" i know .. i do not share .. coz i do not care"

تطلق رصاصتها الاخيره .. و ترحل
تعرف انها راحله بلا عوده .. تشعر ان ضلع ما قد انخلع من مكانه _مؤلم_ .. لكنه ذلك البراح المؤلم . اما بالنسبه له .. لم و لن ترحل !
من المدهش ان تتحول بعض الاكاذيب لكثره تكرارها .. الى حقيقه
من المدهش ان تتحول بعض الرهانات الحقيره .. الى دين يجب سداده يوما ما

قد تكسر حواء لنفسها ضلعا .. لا لتنصاع و لا لتطيع
ربما لتتيح لقلبها ان يخفق ب "حريه"

موس حكمت حفر طريق ...

تجلس متوتره على الشازلونج ..تضم ساقيها كتشبث اخير بفتات ما .. جسد تلاعب به الهزال ليكون مرتع لكل ما هو حزين ..خاتم زواج باهت فقد بريقه من مدهكحل موضوع بلا عنايه .. احمر شفاه احمر داكن وكانه دليل انها لازالت انثى

.............. 

انا اسمي عفت ... عفت بنت راضيه ...

مش بحس براحه وانا بقول اني عفت عبدالرحمن ... "تتنهد" اصل انا مش عفه حد ! 

تحب تسمع ايه ؟؟! .. حاجه تضحك و لا حاجه تبكي ... يعني عندي حاجات مسليه اللي انت تحبه 

= طفولتك ؟! 

عادي يعني ... زي اي طفله بتحب تلعب بالعرايس و تلبس جزمه امها .. و تتكعبل و تقوم تلبسها تاني .. و البس طرحه الصلاه على انها طرحه فرح ... مش عارفه مستعجله ليه 

يوم كنت لابسه جزمه زي العاده مش على مقاسي .. بس المره دي كانت عاليه .. عاليه أوي 

وقعت اتعورت و لجل الحظ تمرضني جدتي .. 

=وبعدين ؟! فين المشكله ؟!

"تندهش و تتسع حدقه عيناها أوسع ما تكون" .. المشكله يا دوك اني كنت ست سنين .. ست سنين بس ! 

=و هما الست سنين مبيتعوروش ... ؟! 

كنت فاكره انهم مبيطاهروش !! .. كنت فاكره اني هاقوم و العب تاني واقع و اقوم ... 

بس ستي قالت ان الاوان .. و ان عودي باينوا هيبقى فاير .. و ان مينفعش نستنى لا ميتقدرش عليا ... تفتكر ايه الي اوحالها بده .. لون الدم مثلا ؟! 

= و بعدين .. .! 

ستي وعدتني انها هتعملي شوربه الارنب اللي بحبها .. اكمن امي مابتطقش ريحتها .. و هتجبلي كوز عسل من اللي بحبه .. لو سمعت الكلام و خصوصا كلام أبله حكمت .. الممرضه !!! ... و اه انا كنت مستعده اعمل اي حاجه قدام اغراءات كوز العسل .. 

جت حكمت ... زي القضا المستعجل ... و هنا تبتدي تسال نفسك ليه الناس دي مبتتاخرش في السكه زي اي حاجه بنستناها ليه "مستعجل" ... تفتكر ايه الحكمه ؟! 

مطولش عليك .. قماشه بيضه ع الفخد ده و اختها ع الفخد التاني .. و أمي حضناني .. مش زي كل مره لجل الامانه .. كان حضن من اللي بيوجع .. و يكسر الضلوع .. حد فينا كان موجوع .. و التاني هيتوجع .. 

"سنِ موسك يا حكمت ... عاوزينها تشرفنا" .. عمري ما عرفت هشرفهم ازاي .. هلعب بالعروسه اكتر و لا هبطل شقاوه .. و ازاي هبقى عروسه .. و ليه ابقى عروسه ما شريفه بنت عمي عروسه .. و انا عندي عرايس كتير في الدولاب .. ليه أنا .. 

=بتضحكي و تعيطي ؟؟! ما تركزي ف حاجه واحده 

اصل انت سمعت الدراما كلها .. تسمع بقى اللي يضحك ! اللي يضحك اني و اخيرا عرفت ف اليوم ده ليه ماما مابتكلش الارانب ... وليه ريحته كانت بتقلب كيانها .. و ليه كانت رجليها مضمومه دايما زي قضبان السجن .. و ليه جالها السكر من كتر عياطها عليا .... و ليه سموها راضيه . 

موس حكمت علِم ف عقلي ... عارف لما الدكتور بيقطع الحبل بين الام و الجنين ... موس حكمت رسم حبل اقوى بين راضيه و عفت ... حفر طريق مامنوش رجوع ! 

"اللي اتبتر ما يتصلحش" ... و اللي اتحفر مامنوش مفر .. بس الطريق ده بيضيق كل يوم 

يتهيألي في يوم انه هيكون .. قبر 

.................

اخذت تنكمش تنكمش حتى اصبحت في وضع الجنين ... ترتعش اصابعها لتخطئ مكان دموعها في كل محاوله يائسه للتماسك .. من يعلم .. قد اضرب الرقم القياسي في الاستشارات الزوجيه يوما ما .. التي تحكي عن كل ما لا يخص الزوجيين ! .. تلملم اشلائها و روح جرحه سلاح بارد بعينين تائهه و كانها تبحث عما اخذ منها عنوه .. كم رغبت ان اقول لها .. ان تصرخ و تكسر ذلك الحذاء الانيق ... و لكنني اكتفيت باخبارها عن موعدنا القادم ... 

ترحل و تجر خلفها اذيال من الحنق و الغضب ... و الخيبه !

كون موازي

في كون موازي !!
انا بركب عجل .. و بجري :)
 و بلبس فساتيين منفوشه 
وبقعد ع القهوه العب
دومينو وطاوله 
و دي الحاجه الوحيده 
اللي في كوني 
“محبوسه”
… و عندي من كل الحيوانات 
و بشتغل في الطيران … 
و كل يوم في مكان 

في كون موازي … 
انا قاعده في بيت كله الوان … 
و اكبر اوضه فيه … اوضه الكتب 
مسموح تدخل بيتي 
من غير احم 
و لا اسئذان
و عايشه فيه لوحدي
متفتكرش اني وحيده 
لو تقعد في بيتي دقيقه 
اكيد هتكون ونسان 
بس اللي يدخله 
لابد يكون 
انسان 

في كون موازي … 
شباكي يشبه العيون 
و بيطل على 
السما و النجوم :) 
شباكي ع البحر 
لجل ما اشم 
ريحه نسيمه 
و رمله المبلول
لو جتلي مره 
في زياره 
اوعدك تكون مفتون 
و كل يوم بجري ع الشط … 
و الناس لا بتضايق 
و لا بتتشال و لا بتتحط 
في الشوارع دايما بتغني 
و لا يوم تتكلم عني 
الناس بكل بساطه 
نوعين زي 
الموسيقى و الشيكولاته 
تتغدى و تتعشى فنون
و القلم حبره “بن” … 
و لو احب اهاديك 
اديك 
ورد و بنبون 

في كوني الموازي .. 
عمر ما حد خلاني اعيط 
و لو حد وحشني افكر فيه 
الاقيه قدامي
و غير كونكم 
القاعده الاولى 
ليه تكون عاقل 
لو تقدر تكون 
مجنون

“الى ان نجد من يفتح الهاويس … موتوا عطشا”

واحده ست 

فتنه

الفتنه .. زمانها جايه 
جايه بعد شويه 
جايبه معها حاجات 
جايبه معاها .. ورطه 
فيها .. مليون خبطه 
بيقولوا يالا كمان 

عارف الاخ القبطي المصري 
ذنبه ايه يحصلوا .. “حاجات” 
اصل المسلم سابه لوحده 
امتى نرجع زي زمان .. 
بس الحال دايما يتغير .. 
دول عرفوا الوحده … في الازمات !!

فتنه .. زمانها جايه 
جاااايه بعد شويه 
جايبه معاها هلااااك 
جااااايبه معاها يافطه 
فيها سعر اللقطه 
سعر المصري بكام !!

بس الازمه دي حاجه عاديه 
ده بيتونس بالكدمات !! 
اصل المصري غريب من نوعه 
يرجع اقوى في الازمات 
ثورة .. زمانها قايمه 
قايمه .. بعد شويه 
ساكنه .. في قلوب دايبه 
زحمه كل الطرقات !!!

ego

Ego …
that means in Latin “I” … 
it doesn’t really matter if you’d die 
the only importance .. 
that i will be the star 
with stupidity and dorkness 
in your shity sky …
and that mi amigos 
that is why 
all my friends wz egos 
fly very very high 
cause i kick their “27m” 
out of my life … 
or i really … try 

a word that echos … in the place !!! 

Anybody here … oppppps that’s me “alone” 
the best thing in the whole world :D … alone !!!

مستكه

تصبحوا على 
احلام متحققه … متصدقه 
و خيالااااات براح مش محندقه … 
و مزاجاتنا .. اللي متروقه .. 
و قلبي اللي حالف .. ما يقولكم 
و لا نص كلمه متزوقه 

صباحكم … مستكه

اه و ماله

بعد ما شاب … راح الكتاب 
“اهو احسن من القعد معاكم” … 
يا ممليين .. يا حقوديين … يا مُحبطيين … يا معفنييييييييييييييييييين !!!

عشان مفيش كتالوج بيقولك ايه اللي تعمله امتى !!! 
النفس اللي بتتنفسه ده في حد ذاته “فرصه” استغلهاا

و على فكره .. الشيب مبنعرفوش م البطاقه او كام شعره بيضه 
القلب هو اللي بيشيخ … يا شايخ منك له ليها له !!!

الكتاب بيبان من افكاره … 
خليك كسلان كده و تقرا العنوان و تاخدلك سكه !!!
حتى البني ادميين .. مفيش عنوان يعبر عن انسان !

مسكوب

لا تبكي على اللبن المسكوب !!! “يا عم كبر مخك” … و تبكي ليه !!
بدل ما تفكر ازاي مـــ”تسكبهووووش” … خللي الناس تتدادي و تطبطب 
و تقولك … “لا تبكي” 
و لا اقولك … انت تستاهل بصراحه …

اكسر للبنت ضلع ...

كسر للبنت ضلع .. يجيلها حالتين نفسيتين !!!
واحده لان مش كل بني ادم انسان … و لان على ايد حيوان بتتهان !!! 

اللي بعيد عن العين … عايش كويس و بياكل و بيشرب !! و القلب بيكون عبيط كفايه انه يوقف الزمان و المكان في اللحظه دي

صاحب بالين … مش هيندم ابدا انه عاش حياه واحده !!!

فرصه من اول و جديد

طب هو يحصل ايه .. 
لو اشتريت بيت في النوبه .. حيطانه ملونه .. 
و هجرت القاهره بناسها و دخانها و زحمتها … 
و اخلاقها و عاداتها 
و ذكرياتها .. المؤلمه 

و اغيّر اسمي … اكون “فن” … او اكون “مزيكا” 
و اكون لوحدي … و ابدأ من اول و جديد 
محدش يعرفني … 
اقدر اكون اي حاجه انا عوزاها .. من اول و جديد 
و اختار .. اختيارات من اول و جديد 
و امسحكم من اوراقي باستيكه 

و ابص في المرايه .. معرفنيش .. من كتر السعاده !!

يحصل ايه يعني .. لو اخدت اجازه من كل حاجه .. 
و جربت اتنفس من او و جديد … 
و ارقص على مزيكا جديده من اول و جديد 
حتى ممكن اتعلم المشي من اول و جديد 
او يمكن متعلموش … عشان مشبهكوش 
اتعلم اجري … و لو معرفتش اتعلم اطير 

يحصل ايه .. 
لو بطلت اتكلم بلغتكم … و اتكلم نوبي 
و ابطل حتى اسمع منك .. على سبيل التغيير 
و ابطل اكون شخصيه في حواديتكم .. تناموا عليها 
اخرج منكم و تخرجوا مني .. 
و اتزرع في مكان جديد .. من اول وجديد 
حبايه في ارض خصبه 
مفيهاش تجريح .. تكفير .. تبرير 

يحصل ايه لو اتعلمت ابص للدنيا من اول و جديد
لو بس تتطلعوا من البرواز … الصوره تحلو كتير

لو شافونا 
و قالوا مساكين 
و زادو في الوصف 
و قالوا مجانين 
رد عليهم .. 
الجنون ده اسمه لطف 
و المساكين هم انتم 
ال فاكريين 
نفسكوا عايشين !!

للتَذكِره

و في تجربتي مع “الوزن المثالي” … تمتد الرحله الى اجل غير مسمى 
الاسبوع اللي فات نزلت ربع كيلو بس 
و الاسبوع ده اتنين كيلو و نص !!!

جدير بالذكر اني مش عاوزه اصلا اخس … بس بابا خايف اموت بدري بدري 
و عشان كده هو متحمس و مصمم ^_^ 

في التجربه دي … انا هاثبتله اني اقدر … 
لكن ايه المانع اني اتخن اتخن اتخن … لحد ما انام نومه ابديه :) 
بعد كده 

حاولت اضرب عن الطعام … بس السيد الوالد كالعاده “خاف” عليا وكده 
و مقدرتش استمر غير 30 ساعه بس 

بس 30 ساعه 

و الاضراب مكانش عشان سواد عيون الوزن المثالي زي ما الكل فاكر 
و لان ليا اسبابي في الاضراب ده … انا مش بحاول اناقشها مع حد 
مع وعد بتجربتها مره تانيه … قريب اوي 

^_^ 

بس للتذكره 

و في تجربتي مع “الوزن المثالي” … تمتد الرحله الى اجل غير مسمى 
الاسبوع اللي فات نزلت ربع كيلو بس 
و الاسبوع ده اتنين كيلو و نص !!!

جدير بالذكر اني مش عاوزه اصلا اخس … بس بابا خايف اموت بدري بدري 
و عشان كده هو متحمس و مصمم ^_^ 

في التجربه دي … انا هاثبتله اني اقدر … 
لكن ايه المانع اني اتخن اتخن اتخن … لحد ما انام نومه ابديه :) 
بعد كده 

حاولت اضرب عن الطعام … بس السيد الوالد كالعاده “خاف” عليا وكده 
و مقدرتش استمر غير 30 ساعه بس 

بس 30 ساعه 

و الاضراب مكانش عشان سواد عيون الوزن المثالي زي ما الكل فاكر 
و لان ليا اسبابي في الاضراب ده … انا مش بحاول اناقشها مع حد 
مع وعد بتجربتها مره تانيه … قريب اوي 

^_^ 

بس للتذكره 

اهو كلام

• - ما انتي طول عمرِك عارفه ده ؟؟!
• - في فرق اني عارفه و في فرق اني تعبت خلاص !
• - و هو حاجه وحشه انك تكوني بتاعه الضحك و الفرفشه
• - لا ... خالص و بتاعه الاكل و الفسح و التنطيط كمان . اراجوز بعد الضهر .. و ماما الصبح .. و بليل ساعات بكون اسامه منير
• - .......
• - لكن ساعه المذاكره و الاجتهاد و الابحاث و الكورسات و الذي منه ... اكيد بيكون في ناس مخصوصه المهمه دي !!
• -..... بس
• - انا اصلا بحكيلك ليه و انا عارفه انك هتقولي معلش و هتقوليلي اكبر دماغي و تخلصي الكام كلمه بتوع التنميه البشريه" ... على العبده لله ... و تنهيهم بان مفيش حاجه و انا اللي مكبره المواضيع
• - ايه اللي مضايقك دلوقتي
• - و لا حاجه ... فعلا ولا حاجه
• - اللهم طولك يا روح ... طب انتي عوزاهم يعملوا ايه !!
• - ميعملوش و يسيبوني في حالي
• - بس
• - اه ...

#حوار_تخيلي ... محصلش ! و لا هيحصل

و مين قال ان فاقد الشئ لا يعطيه !!

اللي في حياته كرب ... 
بس بيديك ابتسامه
و اللي طريقه صعب 
بس يفرشلك 
طريق السلامه
حتى لو مكتوبله 
ميخطيهاش 

و اللي بيفتش
ع الاهتمام بمنكاش ...
بس عنك ميستناش
و اللي يستغنى عنك
بس انت عنه
متستغناش

و اللي حاله تغم ..
و اللي يتيم الام
بس لازم يحن
و يطبطب و يضم
ولو تسيبه و تفوت
في قلبه منك ..
ميشلهاش

مين قال ان فاقد الشئ ... لا يعطيه
و مين قال ان المنح اشياء

من غير بيريل

‎"ست بميت راجل"
"استرجل و اشرب بيريل "
"خليك راجل و اجمد" 
"ايه يا عم ... هما الرجاله بيعيطوا بردو"

سمعتهم في حياتك كام مره . طبعا هاتقول و ايه المشكله . مفيش اي مشكله غير اننا بنرددها زي البغبغانات .. من غير ما نفهم ان ده بياثر علينا من غير ما ناخد بالنا

مثلا .. بالجمل البسيطه اللي فوق دي .. بنكررها لحد من غير ما ناخد بالنا بنصدقها اوي
وواحده واحده .. هتبتدي تصنف الناس ... "بعيدا ان دي عنصريه "مالناش دعوه بيها
الا انك صنفت الراجل كانه ... شئ غير عادي .. كانه مش كائن بشري
مينفعش يكون انسان عادي
يعني انت لو جدع تبقى راجل ...!!! و لو مش جدع تبقى ست
ايه مش مصدقني ... طب اتفرج على اعلان بيريل كده !!!

ليه عكس الراجل دايما ست ...
في الاعلان العنصري ده كان لما الراجل العظيم يعمل حركه مش ولا بد .. تؤثر على رجولته ...يلبس "باروكه
"
ليه لو مش جدع تبقى "حرمه" .. و لو الحرمه بقت جدعه .. تبقى "بتسترجل"

الاعلان ده كان شاغلني فتره طويله اوي .. وكنت دايما بفكر
ليه ؟؟؟ ... ليه احنا دايما مصدقيين ان عكس الراجل .. ست
ليه ميكونوش متوازيين .. ليه منبقاش مع بعض على الطريق نفسه
ليه منبقاش احنا الاتنين ... "انسان" !!
و ليه الاعلان الزفت ... ميخليش الراجل ... يستعييل .. لان العيل .. الطفل ممكن يعمل حاجات غلط
و مفيهاش .. تصنيفات .. عيل ولد او بنت .. !!!
بس ازاي "ام باروكه" اكيد مش جدعه

نسيت الموضوع لحد ما قابلت شخص بكل ثقه .. صرح بان المراه مالهاش اي لازمه في المجتمع
و ملهاش تاثير .. و ان المجتمع مبيتاثرش بدورها على الاطلاق
معللا ان الانبياء رجال .. و لو ربنا كان عاوز نبيات .. كان خلق نبيات
"اندهشت" ... طب محتاج فريسكا ؟؟؟!
و الله مافيش داعي .. لازم تندهش لما تعرف ان دكتور الجامعه المبجل
لخص علاقه المرأه بالرجل .. على انه لازم يخاف على حته "اللحمه" بتاعته
طبعا سيادتك زعلان انك تحولت لجزار .. لا متزعلش لاني بقيت مجرد بهيمه
هاااااااااااا "اندهشت" ؟؟! ... طب ما تيجي يا زوزو

بس نسيوا ان المرأه ..
السيده خديجه الا لولاها .. كانت الرسال انتهت من قبل ما تبتدي ... "ست"

مش نبيه ؟؟
! ...

و ان السيده عائشه .. اللي وصلتلنا كتيير من الاحاديث "ست"
و ان اللي ولدوا الانبياء "ستات"

الست مش محتاجه تكون نبيه ... لكن هي مصدر الانبياء !

اما حته اللحمه .. يا كامل الدين و العقل .. بتعمل اللي انت متستحملوش لو تعرف ان
معدل الألـم الطبيعي الذي يستطيع تحمله الإنسـان 45 وحدة من الألـم لكن المرأة عند الولادة تتحمل 57 وحدة من الألـم وهذا الألـم يـسـاوي ألـم كـسر 20 عظمة في نفس الوقـت ..

اما قوامون اللي انتم بتخوفونا بيها .. كمّل الايه .. او اقرا مقاله عمر طاهر ... و انت تفهم
ليه انتم قوامون !!

.... أنا مش هاسترجل .. انا هتمرأن
انا مش باروكه .. في اعلان بيريل .. و مش عكس الرجوله
انا كتفي في كتفك طول الطريق ... محدش قبل التاني و لا بعد التاني
و انت بني ادم مش من على كوكب تاني .. انت بشر ... و انا كمان

"كل عام و انتن طيبات" .. ^_^

koka