#فلسوفيات

احب اقولك يا ماما … لما بتساليني 
بتودي مصروفك فين ؟؟! 
ببقى نفسي اقولك في سويسرا … بس خايفه من رد فعلك 
خصوصا ان شكلي من غير سنان هيكون وحش اوي :)

الاصفراني :)

راقص التنورة .. او اللي بالنسبه لي الاصفراني :) لاني معرفش اسمه ...
كنت موهومه و انا بتفرج عليه .. اندماجه مع الحركات و الالوان و الصوت و كل حاجه فعلا وهم !!
الراجل ده خلاني اندمج معاه .. حسيت اني بتنفس لاول مره .. و كاني جنين لسه مولود و لاول مره باخد نفسي .. كنت مرتاحه جدا .. و انا شيفاه على راحته و بيطلع كل اللي جواه مع الموسيقي مع كل دقه كان مندمج و حركات راسه وايده .. و الجزء الفلسفي اللي جوايا
شاف ان دي الحياه .. لف و لف و لف لو مش مندمج معاها هتدوخ و هتتعب ...
لكن لو اندمجت هتتعايش مع الالوان اللي يمكن لاول مره تزعج عنيك .. بس لما تتعود هتعرف قد ايه جميله .. و بعد ما تخلص هتلاقي كل الناس معجبه بالتايش اللي كنت فيه
و من اكتر الحاجات اللي عجبتني ان بدا و خلص كل ده و الابتسامه ما غابتش لحظه من على شفايفه :)

عيش حياتك زي رجل التنورة .. تعايش مع الكون و اندمج فيه .. و ابتسم و مع كل دقه دف .. او مشكله في حياتك .. طلع كل اللي جواك :)

هدية من ربنا

الصدفه هي هديه من ربنا بتخلينا نقابل ناس هيكون ليهم دور في حياتنا .. 
هنشوف حد هياثر فينا هنعرف حاجه هتغير طريقة تفكيرنا او تجربه عمرنا ما هننساها 
عشان كده لما تتوه متزعلش ركز في الطريق اللي انت مشيت فيه 
لو نسيت فلوسك و ركبت اتوبيس بدل التاكسي 
لو نسيت كشكولك و اضطريت تستلف ورقه او قلم من اللي جمبك 
لو العجله نامت و اليوم اتضرب … او اصحابك نسيوك ساعتين في الشارع 

مش يمكن يكون ده اليوم اللي المفروض تاخد هديتك من ربنا ؟؟؟!
بيتهيالي لو هديه و من ربنا اعمل حسابك انك تكون مبتسم :)

اصلا صدفة

احيانا ربنا بيبعتلنا اشخاص ينتشلونا من الضياع … ايه الكلام الكبير ده !!
بس ده حقيقي 
اول يوم في الكليه كان يوم صعب رجعت البيت اعيطلهم 
انا مش عاوزة اكون في المكان ده ابدا مش هاقدر 
الفكرة دي اتغيرت لما قابلت ناس تركيبتهم غريبه 
عمري ما كنت هاقدر اقابلهم صدفه .. 
بس بعد التفكير انا قابلتهم صدفه لاني ماكنتش ناويه ادخل الكليه دي اصلا “) 

قهوة

في اشخاص مؤثرة في حياتنا اكتر مما تتصور … 
مش لازم يكون ماما او استاذك او اقرب اصدقائك 
ممكن يكون اكتر حد بينرفزك في حياتك … 
لانك يا اما هتفضل متنرفز و تفكر ازاي تنرفزه و بكده هتبقى بقيت شبهه الخالق الناطق 
يا اما هتحاول تكون شخصيتك راقيه و هتستنى كمان كام سنه
عشان تقعد تشرب قهوة في مكان هادي و تفتكر الشخص ده
و تقعد تضحك لحد ما تدلق القهوة على هدومك :)
مستنيه اليوم ده و بفكر البس هدوم غامقه ساعتها و مش هزعل ان القهوة ادلقت 

هاطلب اتنين كمان واحده ليك وواحده ليا :)

طفولتي

هٌدمت طفولتهم ..
عندما علموا ان لا وجود لسانتا كلوز
و لا وجود . . . لجنية الاسنان

و هٌدمت طفولتي . .
عندما علمت ان أمي و ابتي
مجرد بشر
يبكون .. يمرضون ..
يغضبون ...
ثم يذهبون ..
و قد لا يعودون

و من ثم لم اعد طفلة
و هم عاديون . . .
يودعون . . . يضعفون
يستسلمون . .
و ليتني لم اسأل
"هل هم خارقون ؟؟؟! "
هنا فقط ...
هٌدمت . . . طفولتي

لا تلم

لا تلومها ان كرهت كل اطباء العالم


لقد بدأت القصة عندما قال لها طبيب
" مبروك . . . أنتي حامل !! "
و سرعان ما انتهت عندما قال لها طبيب
" حاولنا . . . بس . . . شدي حيلك "
و فجأة اختفت حياتها طوال هذه السنين
بين الطبيبن
و كأنها لم تكن
و كأنها لم تولد من الأساس
و كأنها فقدت كل الاسباب ... لتحيا

و لكن للحق
لقد كرهت الأطباء عندما سألها طبيب
" هتشرحي الجثة "
وكأن اوراقكم ستفيد
أو ستحييه من جديد
استحكي كم المه الرصاص
او ستشفي غليلها بالقصاص
استرسم صورة خالدة
عن عمره
عن جراح امه
استروي عن ظلمه
او كم كان جميلا حلمه
او ان الظلم في بلاده
لم يكن جرمه

أم ستكتفي بحروف بحبر كئيب
تماما مثل منزله
الذي لم يعد يسكن فيه
و سطور ساكنه .. لكنها شارده
مثل نظرات ابيه
و لهجه قاسية
تشبه ملامح قاتليه

و دموع القلم من حبر
و دموع وليدها من نور
فيود ان يدمع تبر
لكن القلم في وطني
مقهور
مجبور
و من ثم حروفه قامت
من وسط الاكاذيب تثور
ثارت و البشر نياما
فقتلت . . . بلا ديه
فامست منسيه
و حقها بحكم العادة مهدور

و يفيد التقرير الغير شرعي
في تمام الساعة الموعودة
انه توفي في القصر العيني
و الاسباب غير مكتوبة
و اي تقرير تعني
عذرا . . . تقاريركم مرفوضة
و نقطة

نقطه تنهي سطرا
تنهي عمرا
تنهي أملا
لكنها ابدا لم تنهي
ظلما

و تبقى هي
كما هي . . . تكره الاطباء
و نقطة
ابدا لن تنهي هذا العداء
فكم تمنت ان تكون عاقر
في دوله ظلم
حتى لا تكون للشهيد أم
فلا تلم !!!
by : koka

;)

لما الناس من جمبك تمشي
مش هتمـــــــــــــــــــــــوت
و اقرب حد في همك يفتي
علي الصووووووووووووووووووت
ازمة و هتعدي و هم يفــــوت

by:koka

زي ايه ؟؟!

عارف هو زي ايه
زي مروض الوحوش
يقول و يضحك و لا يهموش
يزرع الضحكة في الوشوش
و يرزع الف كلمة للكراسي اللي ما بيخافوش
و يمحي الاها من قلوب مابيفرحوش
يخلي اجعصها سياسي
فلصو و فشوش
. . . . . . . .
قلبة شباب . . .
لكنه شاااب
و اهو النهاردة هيتداري . . . جوا التراب
بس قلبه مننا
و دايما يقولناااا
كلام يضحك قلبنا
و قلبه مات من حزننا
و مات و هو بيصرخ . . .
المصريين بيموتوا بعض !!!!

وداعا . . . جلال عامر
فقلوبنا عامرة بحبك

By : Koka

انتظارك !!

هل سئمت انتظارك
ام انه الخوف
الذي يمنعني من اختيارك
يفوتوني الكثير
و انا هنا في انتظارك
و بينما انا في انتظارك تجرحني افكارك
هل هي لي . . . عني . . . هل انا في حسبانك
ام انا فقط انتظرك و هناك من ينتظرني
و انت هناااك بعيييد تغرق في انتظارك
منتظرا انتصارك
حتي يبتلعنا الزمن في انتظار من نحب
فيفوتونا العمر . . .
لنجد فجأة اننا لسنا في انتظار . . .
و لكننا على وشك الاحتضار -
by : koka

:)

افتقد ايام طفولتي كتيرا حين كنا
في كل صباااح
اتأكد أنا من
احضار جميع اقلامي قبل رؤيتك
و انت
تتعمد نسيان اقلامك قبل رؤيتي

لتأخذ معك قلـ(مـ)ي
. . . . . . و قل(بـ)ي
في كل مره تراني فيها ✿ =)
by : koka

لي و لك

في كل مساء
اطلق امنياتي في بالونات مليئة بالخيالات
و انثرها في سماء وردية . . .
و ابعث بها رساله مطوية
لك
و لكن تمزقها اشعه
شمس الواقع القاسي
فانتظر مساء جديد . . .
لاطلق مزيد من الامنيات
لي و لك

by:koka

أنت ... وحدك

كل ليلة تتسابق دقات الساعة
 مع دقات قلبي
من سيبقيني مستيقظه
و لكنك . . انت وحدك
تفوز كل ليلة 

قهوة

في سكون الليل و برده الشديد
و قليل من السحر في كوب من القهوة
و صوت فيروز ياتي من بعيد
و عقلي المتهور بك . . . و المتحير فيك
يسترجع ذكريات . . . عنك انت بالتحديد
انها حقا امسية مثاليه لاقضيها
معك و عنك . . . بطريقة ما

by : koka